SA SAKUNG PAGTUNINONG

Tres minutos bago mag-alas dos
nin hapon,
ako nakahigda sa sakung katre
an sakungpiruk namamati na ang
kapagalan kan sakung lawas,
danagan harani ang samung harung sa timampo,
sakung nadadangog
an ragasras kan mga ridang puspos
asin nakikisumaro sa init kan panahon.
nadadangog ko man ang siring na lagatakkan kamot
kan samung orasan
an turu kan tubig sa samung gripo
na dai nahigot su pagsars
an hakay kan aki na nakahigda
sa duyan sa balkonahe,
asin an puminukaw sa sakung tungkang kalag
iyo an tilaok kan manok
na sakung pahona
iyo nagtitilaok sana
pagbutwa kan saldang
sakung naisihan an bagay na ni
may mga bagayna dai ta na naiisihan
sa sobrang ribuk kan palibot
kung boot kang magtunung ning kadikit na oras
simong maaaraman na dai palan
higut su pagsara mo kan gripo
dai mo masisiringan na mata na an simong aki,
sa kadikit a katuninungan asin paghurup hurup
sakung tinanaw an oras
iksakto alasdos ako nangalas...
na su boot na tres minutos
na pagtuninong
dakul na bagay sakung
nanudan,
asin tuminatak sakong isip
na an pinakamakusog na tanog,
simong madadangog sa katuninongan.

_GLADYS S. REGONDOLA_